På høgde med dei proffe
Bildeserie:
For 250 tilskodarar viste elitedanserane på Os kulturskule at det òg på dansefronten gror godt i kulturbygda Os. Gjennom den femti minutt lange framsyninga av «Verbo», ei fortelling om livet, synte dei samtidsdans på eit høgt nivå.
Dette står ikkje tilbake for nokon av dei profesjonelle danseframsyningane denne redaksjonen har sett sidan Oseana opna.
– Tusen takk. De er fantastiske og våre beste dansarar. I salen i dag sat ei rekkje av dei unge danserane på kulturskulen og i dykk har dei fantastiske forbilder. No ser dei kva dei har å strekke seg etter, helsa kultursjef Lisebeth Axelsen etter framsyninga.
– I tillegg må eg få lov til å trekka fram Julia (Agate Erstad Bergesen, red.mrk) og Patricia (Langeland, red.mrk). Vi, og elevane, er heldige som har som har dykk i kulturskulen. De er fantastiske lærarar som vi er stolte av. Eg håpar vi får ha dykk i staben vår veldig, veldig lenge.
Mangla eit verb
Framsyninga har tatt utgangspunkt i verba å vera, tru, håpe, tvile, gje slipp og ende. Dei sju danserane Selma Bunæs, Camilla L. Haugland, Maja R. Holme, Sofie Irgens-Hagevik, Åshild Os, Benedikte Thorsen og Amalie Lekven formidla reisa gjennom menneskja sitt liv gjennom desse verba.
– Men de manglar eit verb i framsyninga. Å imponera.
– Det har de gjort i dag. De har laga poesi. Eg tykkjer de skal reise ut på turné, helsa FAU då dei overrekte blomar til dei sju danserane.