På innsio: Heggland Heiltre

Skreddarsydde møblar til hotell og restaurantar - bli med på omvising i møbelfabrikken i Hegglandsdalen.

Kjetil Vasby Bruarøy
01. november 2015 - 10:08

«På innsio» er ein ny, fast serie med videoreportasjar der vi tar deg med inn i ulike bygg og bedrifter i Os. Kvar helg framover kan du starta søndagen på innsida av ei ny verksemd. Besøket i dag er hos Heggland Heiltre AS i Hegglandsdalen.

Familieverksemda Heggland Heiltre AS blei stifta i 1990 og er i hovudsak eigd av Roald Heggland, far til Tore, som i videoen over tar oss med på omvising i fabrikken i Hegglandsdalen.

Selskapet leverer i hovudsak skreddarsydde møblar til hotell og restaurantar og har i periodar store kjedar og heile hotell dei skal innreia. Omsetnaden har dei siste ti åra variert frå 8,3 til 18,8 millionar kroner.

McDonald's og Dolly Dimples er blant dei større kundane, men møblane til Heggland Heiltre har òg utmerkt seg på ei messeinnreiing, der kunden deira av 2000 utstillarar vann pris for beste stand på oljemessa i Stavanger.

Dette var vår tredje tur på innsio. Vi har òg vore hos Thomas Lyssand på Lyssand Gartneri og Jarl Haug på Vestlandske Heiltremøblar.

Midtsiden - alle saker med video

Les meir om

Næringsliv Industri