På innsio: Oleanna AS

VIDEO: Visste du at det, i etasjen over Meny, blir pakka 200 tonn med mat i veka? Bli med inn!

Kjetil Vasby Bruarøy
11. september 2016 - 9:24

– Vi kjem til å produsera for eit anna firma som leverer til ei større kjede. Denne avtalen vil føra til eit betydeleg volum om ikkje så lenge, men den saka må vi koma tilbake til når alt er klart frå kunden si side, sa Frode Søviknes til Midtsiden i august 2013.

Han hadde nettopp overtatt Smak Catering AS med selskapet sitt, Oleanna AS, og hadde vore i kontakt med nokon som hadde byrja å tenkja nytt og større innan daglegvare og middagslevering.

I januar 2014 blei det kjent at gründarane av Adams Matkasse ville skapa stor aktivitet i det tidlegare Drageset-bakeriet (Familiebakeriet) i Os. Frå 6,9 millionar i omsetnad i 2013 auka Adams Matkasse AS til 129 millionar i 2014 og 302,7 millionar i fjor.

Matkassane, som blir sendt ut over heile landet, blir pakka av Oleanna AS i Industrivegen i Os.

Oleanna AS er eit frittståande pakkeri med Adams Matkasse som stor kunde, men som òg kan ta på seg pakking for andre. Oleanna auka frå 4,9 til 16,2 millionar i omsetnad frå 2013 til 2015 og har over 30 tilsette.

I videoen over får du ei omvising med dagleg leiar i Oleanna AS, Geir Søviknes.

• Sjå førre videoreportasje i På innsio-serien: På vårslepp hos John Grindevoll

• Sjå samleside for alle videoreportasjar og artiklar med video