Dei to frå Hordaland i troppen, Sander Johan Christiansen frå SK Brann og osingen Ole Martin Lekven Kolskogen frå Åsane Fotball på plass i England. (Privat foto)

På plass i Burton - i dag startar EM

– Vi bur på landslaget sitt anlegg og formen er på topp, seier Olis før dagens kamp mot Portugal.

image
image
Av: Kjetil Vasby Bruarøy

Ole Martin «Olis» Lekven Kolskogen er på plass i England og klar for fotball-EM for G17.

Noreg blei blant dei 16 kvalifiserte nasjonane ved å slå Hellas 3-0 tysdag 27. mars. Rett før Olis med Åsane slo moderklubben Os ut av NM, fekk han beskjed om at han var del av EM-troppen.

Onsdag sat han i England og såg Åsane bli slått ut av NM på straffekonk mot osingen Bjarte Haugsdal og Nest-Sotra. Haugsdal var blant dei som skåra på straffe.

– Det var kjipt, eg trudde dei skulle klara å dra sigeren i land, seier Ole Martin.

Ei veke med førebuingar

Sjølv har Kolskogen hatt hovudfokus på Portugal denne veka.

– Vi hadde ei trening på Ullevål måndag. Tysdag reiste vi til England, og no er vi på plass på det engelske landslaget sin arena, St George's Park i Burton upon Trent.

– Korleis er formen din?

– Den er heilt fin. Eg har vore skadefri og frisk lenge no, og gler meg til å koma i gang med EM.

Noreg er i pulje med Sverige, Slovenia og Portugal, og møte Portugal i opninga klokka 14.00 i dag.

– Vi tapte 2-3 då vi møtte dei sist. Det var ein jamn kamp og vi har ei formeining om korleis vi skal slå dei.

– Fantastisk anlegg

Det norske laget er innkvartert saman med blant andre England, Italia og Portugal på Hilton-hotellet på anlegget som blei opna i 2012, på ei 330 mål stor tomt mellom Birmingham og Derby.

– Hotellet er flott og anlegget er fantastisk bra. Det er sikkert 10-11 banar her, og det er berre eit par minutt å gå frå hotellet til banane vi trener på.

Kampen mot Portugal går på ein annan bane, hos Walsall FC.

Noreg sine innleiande kampar i EM:
Fredag 4. mai kl 14.00: Portugal - Noreg
Måndag 7. mai kl 13.30: Noreg - Sverige
Torsdag 10. mai kl 14.00: Noreg - Slovenia

Nokre kampar blir viste på ulike TV-kanalar, andre blir streama på UEFA.tv.

• Les meir om G17-EM på UEFA.com

Dei to beste i kvar pulje går til kvartfinalar.

Puljene:
Gruppe A: England (vert), Sveits, Italia, Israel
Gruppe B: Slovenia, Norge, Portugal, Sverige
Gruppe C: Irland, Bosnia and Herzegovina, Danmark, Belgia
Gruppe D: Serbia, Nederland, Tyskland, Spania (tittelforsvarar)

Kan bli verande lenge vekke frå skulen

Ole Martin går i første trinn ved Os Gymnas.

Han har 11 landskampar før EM startar, og om Noreg gjer det bra kan det gå fleire veker før han kjem heim.

Gruppespelet går frå 4. til 11. mai, så er det kvartfinalar som første kamp i sluttspelet. Semifinalane blir spelte 17. mai, finalen går 20. mai.

– Eg har ikkje tal på kor mange dagar eg har vore vekke frå skulen i samband med fotball, men det har gått greit til no.

– Så lenge du er flink til å gjera skulearbeid når du har ledig tid, så går det bra. På G17-landslaget er vi jo alle i same situasjon, så det å gjera skulearbeid er ein naturleg del av reisa for heile laget.

Fleire saker

  • Fekk mykje å jubla over

    22. juli 2018

    Lysekloster starta svakt mot Stord, men så slo den etterkvart berømte ketsjupeffekten inn.

  • Gøymde seg på taket

    22. juli 2018

    Oppdatert: To menn i 20-åra tok seg opp på taket på Hamnechefen. Den eine prøvde å gøyma seg for politiet då dei kom. Eigaren fann narkotika.

  • Tre har mista lappen på kort tid

    22. juli 2018

    Torsdag tok politiet for tredje gang på kort tid beslag i eit førarkort ved den nye Spar-butikken på Kloppamyra.

  • Tok skilta til gjengangar

    21. juli 2018

    Politiet klipte skilta på ein bil i Hegglandsdalen laurdag då føraren fleire ganger hadde køyrd utan lov.

  • Her blir podtellet levert

    21. juli 2018

    Bildeserie: No kan du overnatte i hamna uten å bli sjøsjuk av bølgene. – Eg reknar med at vi opnar måndag, seier Hans Parnefält.

  • Villaksen har «stempla inn» i fjorden

    21. juli 2018

    Lyttebøyar i fjorden avslører smolten frå Oselvo si vandring. 

  • Tørke, mattryggleik og jordvern

    21. juli 2018

    Lesarinnlegg: Tørkekrisa viser til fulle kvifor det er viktig å verna om matjorda vår, skriv Gisle Hesjedal.

  • – Blei dårleg då eg såg det

    20. juli 2018

    Kommunen ber foreldre og "nabokjerringa" halde auge med og sjekke leikeplassen før dei sender ungane dit.