Lokal | 03. mars 2012

På skulen for å drikka

Politiet løyste opp eit drikkelag med ungdomar fredag kveld.

På skulen for å drikka
Kuventræ skule. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylaurdag 03. mars 2012 07:43

Politiet har hatt lite å rykka ut på dei to siste dagane.

Torsdag fekk dei melding om skadeverk på ein nedlagt barnehage på Søfteland. Dei fekk også melding om bråk mellom eit tidlegare sambuarpar, der den eine skulle henta noko hos den andre.

– Men dette løyste seg utan at vi rykte ut, sa politioverbetjent Terje Sperrevik til Midtsiden fredag formiddag.

– Vi har også prata med eigar av ein bil som matchar den svarte audien som var observert på Søfteland før innbrotet i butikken natt til måndag. Det er ikkje sikkert at vedkomande kan knyttast til innbrotet, men bil og eigar er heller ikkje sjekka ut av saka.

Ungdomar lagde fest på skule

Fredag i 21.30-tida fekk politiet melding om at det hadde samla seg ein gjeng med ungdomar utanfor Kuventræ skule.

– "Nokre av dei var ikkje edru", fekk vi beskjed om, fortel politibetjent Sindre Hallem.

Patruljen svingte oppom skulen og meldinga var rett. Politiet løyste opp drikkelaget.

Nokre av deltakarane var unge, ned i 14-15 år, og blei henta av foreldre.

Vinglete volvo

Klokka 22 fekk politiet melding om ein volvo som kjørte vinglete.

Bilen var på Søfteland og hadde retning Os då innringar gav beskjed, men politiet fekk ikkje sjekka ut vedkomande.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.