Lokal | 04. aug. 2011

På taket i Mobergsbakken

Ein bil med to unge jenter landa på taket etter å ha vore borti autovernet.

På taket i Mobergsbakken
Andris Hamretorsdag 04. aug. 2011 15:49

Om lag klokka 17.20 kom ein bil med to unge jenter på veg ned Mobergsbakken mot Osøyro borti autovernet så minst éin stopte blei knekt.

Bilen, ein Ford Fokus, fôr så over i motsett kjørefelt, traff ein fjellskrent og tippa rundt på taket.

- Det virka som om bilen kom fort, eg var redd eg skulle få han rett i fanget, fortel eit vitne som var på veg opp Mobergsbakken då ulykka skjedde.

- Heldigvis ser det ut som om det går bra med jentene.

Eiendomsmeglar Arild Vikøyr sat i ein av dei første bilane som kom til ulykkesstaden. Vikøyr har i 15 år kjørt ambulanse, men det var først då han gav seg at han opplevde å vera først på ein skadestad.

- Jentene kom seg ut av bilen på eigahand, fortel Vikøyr, som tok seg av dei to til redningsmannskap kom til staden.

Jentene er frakta frå staden i ambulanse. Dei gjekk sjølv inn i ambulansen.

Brannvesenet har snudd bilen. Politiet dirigerte trafikken forbi fram til redningsarbeidet var over.

Sjåføren sitt førarkort skal ifølgje BA.no vera beslaglagt.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.