På vippen ved Vallaelva
Ein familie med to små ungar var nær på å hamna utfor brua over Vallaelva i dag.
Dei skulle til Bøe og sjå på sauane, men måtte heim igjen på Hjelle for å henta regnklede dei hadde gløymt. Heilt heim kom dei berre nesten.
- Vi var nok litt uoppmerksam, seier faren, som sat på medan sambuaren kjørte.
Bilen hamna utfor ved brufestet på brua over Vallaelva, rett ved avkjørsla til Hjelle frå Hegglandsdalsvegen.
Trudde bilen skulle hamna i elva
Ein traktor som kom imot på brua over Valleelva ved lefsebakeriet gjorde at dei måtte bråbremse. Bilen fôr utfor vegen, over eit stykke grus og opp på sperringa, som omtrent fungerte som ein rampe vidare til elva.
- Eg trudde bilen skulle rulla rundt og hamna i elva, men heldigvis blei den ståande. Det kom røyk frå fronten på bilen, og ståande på vippen var det det å få ungane ut vi først tenkte på.
Uskadd
Alle fire kom seg uskadd frå uhellet, men mora og dei to sonane på 2 og 4 år er til lege for sjekk.
- Berre for å vera sikker på at alt har gått bra, seier faren.
Politiet var på staden. Bilen er no fjerna av tauebil.
Spennande? Vil du ha ukas høgdepunkt i innboksen?
Les meir om
Tilgang til alt innhald for kun 5 kr i 5 veker
Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!
- Tilgang til alt innhald
- Utan bindingstid
- Moglegheit for fleire brukarar
Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.