Påkøyrd etter krangel

Politiet fekk klokka 12.15 i dag melding om påkøyrsle i samband med ein krangel i Industrivegen.

Diskusjonen skal ha handla om oppgjer etter utført arbeid, der ein person blei påkøyrd i låg fart etter samtalen.

– Vi har ein mistenkt, sa ein ordknapp politioverbetjent Christine Grindstein til Midtsiden før dei i 13-tida køyrde frå staden.

Dei hadde snakka med både fornærma og vitne.

– Politiet er no i kontakt med bilføraren, og etterforskar saka vidare, opplyser Vest politidistrikt litt over klokka 14.