– Pappa! Vi har fanga ein diger hai!

Bildeserie:

1 av 2

– Eg visste ikkje kva eg skulle tru, men gutane liker jo å fiska, og veit korleis ein hai ser ut, fortel Ørjan Søviknes.

I ettermiddag blei han oppringt av sonen Oscar Sundvor Søviknes, som var heilt i ekstase.

– «Pappa! Du må koma ned på Buena med éin gong! Vi har fanga ein diger hai! Med kost!» sa han. Eg skjønte jo at det var berre til å kasta seg i bilen.

Det møtte han sonen Oscar saman med klassekameratane Isak Bratseth Bjørge og Magnus Løvaas. Og ein diger hai.

– Minst 1,5 meter lang

Då pappa Ørjan kom til fjøra låg haien på land. Den var livlaus då gutane oppdaga han i sjøen, og ved hjelp av ein kost som låg i nærleiken klarte dei å få den inntil fjøresteinane.

– Eg er definitivt ikkje nokon ekspert på hai, men eg antar at det er ein pigghå.

Søviknes seier haien var rundt halvannan meter lang, kanskje lengre.

Dette er stort til å vera piggå. Normalt blir hannen opptil 90 cm lang, men hoa kan, ifølgje Wikipedia, bli 1,60 meter.

Fast skuleveg via fjøresteinane

I nærleiken av haien låg eit breiflabbhovud og noko kjøt frå annan fisk.

– Eg vil tru at denne haien i utgangspunktet er tatt med garn, og seinare har blitt dumpa av ein hobbyfiskar.

– Det gav uansett gutane ei flott oppleving!

Isak Bratseth Bjørge, Oscar Sundvor Søviknes og Magnus Løvaas går i 5. klasse ved Lysekloster barneskule.

– Er det vanleg at dei er i fjøra og romsterer på veg heim frå skulen?

– Ja, eg har forstått det sånn at det nærmast er ei fast rute dei går. Dei bur i nærleiken og går av bussen ved Buena. Dei er glade i å fiska og å vera ved sjøen, så det blir visst som oftast ein liten tur nedom strandkanten.

Haien blei kasta uti igjen, så ikkje den skulle bli liggande å lukta.

• Midtsiden samleside: Jakt og fiske

Har du ein god historie? tips@midtsiden.no

Fleire fiskehistoriar:

• Denne blekkspruten ville ikkje på land (med video)
• Tok kveite på 169 cm
• Fekk to eksotiske fiskar på same garn