Lokal | 20. sep. 2019

Partert hjort låg slengt i grøfta

– Eg tviler på at dette er lokale jegerar, men dei har visst kva dei gjorde.

Partert hjort låg slengt i grøfta
Lår og indrefilet er fjerna, skrotten og føtene låg igjen i ei grøft i Langedalen. (Foto: Espen Krüger Andersen)
Kjetil Vasby Bruarøy
Kjetil Vasby Bruarøyfredag 20. sep. 2019 08:25

Torsdag i 23.30-tida fekk politiet melding om påkøyrd hjort på E39 Byvegen ved Skogavika i Hetleflåtvatnet.

– Førar fekk hjorten rett i fronten, og er uskadd, men var prega etterpå, seier politioverbetjent Anne Lyssand.

– Hjorten skal ha slept bak-kroppen etter seg. Den har tatt seg ut i vatnet. Eg fann den ikkje i natt, men vil prøva å få låna meg ein båt for nye søk i dag, seier viltkontakt Espen Krüger Andersen.

Før han søkte på Hetleflåten i natt hadde han fått to andre meldingar om hjort.

Tok lår og indrefilet, resten låg igjen

Før han kom til Hetleflåten hadde Andersen vore til Flesland. På veg til Flesland sjekka han eit kadaver som var funne langs vegen i Langedalen.

– Ein turgåar med hund fann hjorten. Det er vanleg at jegerar vommar ut dyret, og at innvollar ligg igjen til reven, men her låg nesten heile dyret igjen, og det låg tett på vegen, fortel Espen.

Indrefilet og lår var tatt vekk, resten låg igjen.

– Dei har visst kva dei gjorde på, men eg synest ikkje det er greit å legga resten av dyret igjen på denne måten. Eg har snakka med jaktlaget som har kvote i området, og det er ikkje deira dyr. Eg veit heller ikkje korleis det døde, om dyret er skote eller påkøyrd.

Dagen før var han og såg etter ein hjort ein annan stad på Søfteland, som skal ha lagt i ei grøft på E39 nær Tømmernes.

– Det kan jo vera denne, at nokon har tatt med seg hjorten, forsynt seg av kjøtet og slengt resten frå seg langs den kommunale vegen over Langedalen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.