Påske i båt? Hald deg på heimebane
Stenger gjestehamnene - men berre for folk frå andre kommunar.
Fredag 13. mars blei skulane stengde, laurdag 14. mars følgde Bjørnafjorden kommune i fotspora til fleire hyttekommunar, og stengde den populære bubilparkeringa på Steinneset.
På spørsmål om også overnattingsforbodet ver gjeldande for båtfolk, fekk vi den gong ikkje svar. I går, knappe tre veker seinare, har kommunen fatta avgjerd.
– På anbefaling frå kommuneoverlegen og smitteoverlegen, har kommuneleiinga avgjort at det ikkje vil vera tillatt for båtfolk frå andre kommunar å overnatta i gjestehamnene i Bjørnafjorden kommune.
Er du frå Bjørnafjorden kommune og har plan om påsken i båt, kan du med andre ord ta nokre netter i dei kommunale gjestehamnene. Men servicebygget i Os hamn er stengd.
Det er uansett ikkje verdt å reisa langt, med mindre du vil ligga på svai eller finna deg ei privat brygge. Populæra hamner i nabokommunane, som Våge, Bekkjarvik og Husnes, er nemleg òg stengde.
Forbodet i Bjørnafjorden kommune sine hamner gjeld frå og med 3. april og til annan beskjed blir gitt, fortel kommunen på heimesidene sine.
Avgjerda er heimla i smittevernlova § 4-1. Bakgrunnen er den same som for hytteforbodet, nemleg den auka belastninga tilreisande personar kan utgjere for den kommunale beredskapen.
- Midtsiden startar utsending av gratis nyheitsbrev på epost - meld deg på her
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.