Påske skapte priskrig-rekord
Ei veke utan oppjustering sette sitt preg på drivstoffprisane i Os. Og krigen er ikkje heilt over.
– Eg trur det er fleire år sidan prisane har vore så låge, seier Sonja Tvedt hos Best.
I formiddag var prisen for diesel 11.54, for bensin 13.08 kroner. Klokka 11 i dag justerte dei opp prisen.
Priskrig er normalt i Os, og med påske og ingen oppjustering torsdag eller måndag har prisane gått ekstra mykje ned den siste veka.
Framleis krig mellom Uno og Esso
Statoil har som Best skrudd opp prisane til 14.44 og 15.80.
Men hos Esso sto prisane framleis lågt, 11.47 og 13.19.
– Vi har førebels ikkje fått melding om oppjustering og har prisane nede i 11.05 og 12.59 no, fortel Torgeir Lyssand hos Lyssand Bil/UnoX i 12.30-tida.
Om du har tom tank etter påsken bør du nok likevel vera rask om du skal handla til krigs-prisar.
Det er truleg berre snakk om minuttar eller timar før prisane går opp på normalnivå.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.