Lokal | 18. apr. 2019

Påskeprat med Eirik

Fem kjappe spørsmål med Eirik Søfteland

Påskeprat med Eirik
Tek han ferie, eller skal han rocka heile påsken? Eirik Søfteland er dagens gjest i «Påskepraten». (Foto: KOG)
Kjetil Osablod Grønvigh
Kjetil Osablod Grønvightorsdag 18. apr. 2019 19:41

Eirik er i desse dagar aktuell med Sipher-konsert på USF Verftet i Bergen. Konserten 3. mai vert ei feiring av debut-plata som kom ut i fjor.

– Korleis blir påsken din i år; fjellet, båtpuss, hagestell eller i sofaen?

– Påsken i år ser jo ut til å verta heilt magisk! Nydelig vêr og i tillegg har eg heilt fri. Til vanleg er påsken synonymt med for meg og dette er første gong på fleire år at eg ikkje skal spela i det heile. Og det er jo ganske deilig, med heilt fri altså. Eg skal ein tur på svigers si hytte i Masfjorden og sitje i sola, lese bok og drikke nokre kalde øl.

– Kor mange dagar har du stått på ski denne snøfattige vinteren?

– Eg har ikkje vore på fjellet ein einaste gong. Det er litt dumt for eg er glad i å stå på snøbrett, men det har rett og slett ikkje passa seg sånn. Det blir mindre og mindre snøkøyring med åra. Dette må eg kanskje ta tak i etterkvart.

– Har du nokre påsketradisjonar?

– Nei, eg har i grunn ingen påsketradisjonar. Utanom å spele konsertar då, men i år skal eg jo ikkje det. Sånn sett så bryter eg med tradisjonane i år. Det er rock n’ roll det.

– Om du skal anbefala ein tur i Os - kor går turen?

– Eg bur jo halvveis opp på Borgafjellet og har vore der nokre gonger i det siste, sikkert mest på grunn av det fine vêret. Men det er jo ein deilig, men ikkje altfor lang tur.

– Kven fortener eit stort påskeegg?

– Det er mange som fortener eit stort påskeegg, men for oss som er glad i fotball så er det ganske enkelt å dele ut eit stort påskeegg til fotballklubben Ajax fra Amsterdam så ved å slå ut mellom anna Real Madrid og Juventus no har tatt seg til semifinalen i Champions League. Imponerande!

Les òg:

Påskeprat med Christian

Påskeprat med Thomas

Påskeprat med Aina

Påskeprat med Sverre

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.