Bjørnafjorden rådhus. (Foto: Kjetil Vasby Bruarøy)
Bjørnafjorden rådhus. (Foto: Kjetil Vasby Bruarøy)

Passerte 25.000 innbyggarar til nyttår

Bjørnafjorden med auka folkevekst i fjerde kvartal.

Kjetil Vasby Bruarøy
23. februar 2021 - 9:49

I 2. kvartal 2020 auka innbyggartalet i Bjørnafjorden kommune med 10 innbyggarar, som medd eitt kvartal unntak var lågaste folkevekst sidan 2001, om vi tar summen av Os og Fusa åra før kommunesamanslåinga.

I 3. kvartal var folkeveksten 0 (null).

Men 4. kvartal var folkeveksten 74 innbyggarar, altså større enn 1. kvartal (57), ifølgje ferske tal frå SSB.no.

Det gjorde at vi var 25.049 innbyggarar i Bjørnafjorden kommune 1. januar i år.

Vi hadde færre fødde og fleire døde enn alle tidlegare kvartal i 2020, og færre innanlands innflyttingar.

Men det var noko større innvandring og langt færre både utflyttingar og utvandringar frå Bjørnafjorden i dei tre siste månadane før nyttår.

Samla sett hadde vi ei folkevekst på 141 innbyggarar i 2020 mot 243 i 2019 (Fusa og Os samla).

Her ser du tala for 4. kvartal 2020:

(Tabell: SSB.no)
(Tabell: SSB.no)