Pedersen på pallen igjen
Ligg på 3. plass før 10.000-meteren etter ein solid 1500 meter.
EM i Collalbo: Sverre Lunde Pedersen ligg an til å ta sin første medalje i allround-EM.
Etter 3. plass på 5000 meter i går står 1500 og 10.000 meter på programmet i dag. 1500-meteren var unnagjort klokka 13.30 i dag.
Sindre Henriksen, som gjekk i 4. par, tok leiinga, ei leiing som sto seg heilt til Sverre og Håvard Bøkko kom i 8. og nest siste par.
Sverre køyrde inn til leiing, Håvard til førebels 2. plass.
– Vi har sett han hakket kvassare, men dette er ein solid 1500 meter, sa NRK-kommentatorane.
Men Sven Kramer og landsmannen Patrick Roest, som gjekk i siste par, gjekk fortare. stakk av med 1. og 2. plass.
Resultat, 1500 meter:
1. Sven Kramer 1.45,914
2. Patrick Roest 1.46,406
3. Sverre Lunde Pedersen 1.46,650
4. Håvard Bøkko 1.47,738
5. Sindre Henriksen 1.48,304
NRK2 sender 10.000-meteren direkte frå klokka 15.05.
Før start ser det sånn ut samanlagt:
1. Sven Kramer
2. Patrick Roest +2,36 6
3. Sverre Lunde Pedersen +5,40
4. Håvard Bøkko +30,68
– Eg er ikkje overraska over at Patrick går ein god 1500 meter, men Sven Kramer er i betre form enn venta, seier Sverre til NRK.
Kramer, som frå før har ni EM-titlar, har slite med ryggen, blitt far og bygd seg hus. Denne sesongen har han stått over internasjonale løp, men satsar på meisterskapa.
– Det er ikkje avgjort enno, seier Sverre.
I allround-VM i fjor vann han 5000- og 1500-meteren, men ramla på 10.000 meter. Han reiste seg, slo Sven Kramer, gjekk inn til 5. plass, og sikra med det 2. plass samanlagt bak Patrick Roest.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.