Stine og Kristin fekk verkeleg til å laga utstilling, trass imponerande mange fine leveransar til peparkakebygda Os. (Foto: Kjetil Vasby Bruarøy)

Peparkakebygda er klar for besøk

Faklar blir erstatta av hodelykter i vinden - og på Torget står treet og utstillinga klar.

image
image
image
image
image
image
image
image
image
image
image
Av: Kjetil Vasby Bruarøy

I kveld (kl 18) startar toget frå Oseana utan faklar, men leiaren for Os Sentrumsforening håper likevel det blir lys og stemning i toget.

– Det er meldt så kraftig vind at vi ikkje ønskjer at deltakarane skal gå med faklar. Det blir lite kos om foreldra er redde for ungane, eller at faklane sløkker. Vi håper folk stiller med hodelykt eller lommelykt i staden, seier William Lindborg.

Det har vore rufsete vêr tidlegare år òg, utan at det har hindra fleire hundre i å møta fram.

Sjå bildeserie frå fakkelfredagen i fjor

Imponerande utstilling av peparkakebygda Os

Kristin Vangsnes Bøe og Stine Kobbeltvedt frå kultureininga i Os kommune var glade då dei såg kor mange leveransar som kom inn på tysdag, men kjente på presset då dei såg kor fine byggverk som kom inn.

I 16-tida i dag tok dei vekk pappen framfor vindauga inn til utstillinga. Då var dei nøgde med korleis dei hadde fått til utstillinga, og det er ikkje rart.

Det er hengt tekstil på sideveggar og bak utstillinga, som står tett nok på vindauga til at bygga er synlege, og djupt og høgt nok til at alle fekk plass.

– Vi er overvelda over responsen! 12 barnehagar, SFO ved minst to skular og 5-10 privatpersonar har levert peparkakehus i alle storleikar og fasongar.

– Skuleklassar har engasjert seg og levert ei rekkje spesielle bygg i Os, vi trur denne utstillinga kan gjera at endå fleire får lyst å vera med neste år, seier Kristin og Stine.

Utstillinga skal i utgangspunktet beundrast frå utsida av vindauga, men seinare i desember kan det bli nokre dagar med faste opningstider, så folk kan koma inn og sjå nærmare på husa.

 

Fleire saker