To til Haukeland etter mc-ulykke
To motorsyklar og tre personar involvert.
Litt før klokka 20 i kveld kom det melding om trafikkulykke på Lyseklostervegen, nær Ulven leir.
Til saman tre personar var involvert.
OPPDATERT:
Det var to tunge motorsyklar som kolliderte, ikkje to lette, som først blei opplyst.
– På den eine motorsykkelen sat ei kvinne i 40-åra med ein gut i tenåra bakpå, på den andre sat ein mann i 40-åra åleine, fortel politioverbetjent Anne Lyssand.
Begge MC-førarane vart frakta til Haukeland med skade i fot. Mannen var hardast skadd og blei henta med luftambulanse.
Guten som var passasjer kom uskadd frå samanstøyten.
Vegen var stengt ein periode etter ulykka.
– Mange vitne og andre MC-førarar som kom til, var veldig hjelpsame mens redningsarbeidet pågjekk, skryter Lyssand.
Ulykka skjedde i 80-sona mellom Ulven leir og krysset mellom Åsen og Søvikåsen (Ole Bulls veg), og var ei møteulykke.
Årsaka til ulykka er ukjent.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.