To personar redda etter forlis i Bjørnafjorden
Låg i sjøen då dei blei henta.
Tysdag morgon gjekk ein båt ned i Bjørnafjorden. Uhellet skjedde vest for Stor Godøy på Tysnes.
– Vi var på veg ut med både båt og dykkarar i bil, men aksjonen var raskt over, seier varabrannsjef Erik Walden frå Bjørnafjorden brann- og redning.
– Men vi hadde ikkje kome oss ut av porten før aksjonen var over.
Begge personane er redda og framstår som uskadd, fortel Hovedredningssentralen i Sør-Noreg.
Leiinga om bord i «Kommandøren» tok kommandoen. Ferja Kommandøren går mellom Halhjem og Våge.
– Meldinga kom via 02800 (politiet) klokka 08.20. Klokka 08.27 var redninga framme og klokka 08.32 var aksjonen over, fortel Dan Nikø i Fjord1 til Midtsiden.
Det var verken ferja eller lettbåt frå Kommandøren som sto for sjølve redningsarbeidet.
– Det blei vurdert, men mannskapen såg at ein arbeidsbåt frå eit oppdrettsanlegg i nærleiken ville ha sjanse til å koma til staden raskare, og meldte vidare til dei.
OPPDATERT:
Ifølgje BT, som har lesarbilde av redninga, var det folk i ein båt som hadde plukka opp mayday-signalet, som berga dei to.
Dei forliste hadde vore og fiska då båten byrja å ta inn vatn. Dei sette seg først i baugen, men båten gjekk ned, og dei to låg i sjøen då redninga kom til staden.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.