Pilot for ein dag ...

Søndag 20.mai blir det open flydag på Vaksinen flyplass ved Ulvensletta.

– Her kan du få deg ein tur med seglfly eller modellfly, eller sitja i kiosken og sjå på, om du heller vil det, seier formann Tore Øvreeide.

– Om du lurer på å velja fly som yrkesveg, anten innan teknikk eller som pilot, kan du dessutan få ein prat med nokre av dei pilotane som starta karriera si i Os Aero Klubb.

– Klubben har vore med på å produsera mange dyktige pilotar, sist eg var i Oslo var både kapteinen og styrmannen kjente ansikt frå Ulven. Også flysjefen i Norwegian stammar frå Os Aero Klubb.

Unge, men erfarne

To av pilotane som kjem til Ulven for å ta publikum med i seglfly søndag er Jon Erik Lygren (24) og Gunnar Grønlien (23).

– Jon Erik har allereie 1000 timar bak seg i seglfly og tok i fjor 3. plass i junior-VM. Gunnar har lang fartstid i seglfly etter at han kom til klubben som 16-åring, og han gjekk nylig ut av forsvarets flygeskule som suverent beste elev. Han har allereie byrja å fly F-16 og skal til USA for å utdanna seg som kampflypilot, fortel Øvreeide.

Dersom du ønsker å fly en tur i seilfly, med modellfly eller bare ønsker å se på aktiviteten mens du nyter en kopp kaffe fra kiosken, er du hjertelig velkommen til oss denne dagen!

Med akrobatikk på menyen

Terje Haugs (40) skal styra slepeflyet. Han er ein av instruktørane og flyr jobbar i det daglege som trafikkflygar i ein Boeing 737-800.

– Vi kjem til å tilby ulik lengde i tid og turar med litt akrobatikk for dei som ønskjer det, seier Tore.

Modellflya startar i 9-tida, seglflya frå klokka 13 søndag.