Pirat i badekar

Bildeserie:

1 av 4

Laurdag 27. juni skal Hilde Jørgensen og Karl Tore Gjerde gifta seg. I går var det utdrikkingslag for brudgommen.

- Då vi planla dagen til Karl Tore kom ideen om at han skulle få kjøra i badekar frå Lekven til Os, fortel Vidar Tjore.

Saman med Jarle Riise og forlovaren Kristoffer Lunde lagde dei pontongar av rør for å få badekaret stabilt. Og så kom ein påhengsmotor på 5 hestekrefter på.

Skattejakt enda i dass
På veg til Os måtte Karl Tore følgja eit kart for å finna skattar på vegen. Desse låg i boyer i sjøen, og han fann alle.

- "Skattane" var vaskemiddel og dokost. Vel framme på Os måtte han vaska doen på Essoen, ler Jon Bergh, som har sendt oss bilda frå turen.

Etter skattejakt i Os gjekk turen vidare til Voss, og paragliding etter båt på Vangsvatnet. Så var det tilbake til Os for grilling og meir fest.

- Kva skal de bruka badekaret til no?

- Eg veit ikkje. Kanskje eg skal leiga det ut, svarar Vidar muntert.