Lokal | 07. juli 2012

Piratane med ny "haldeplass"

Politiet fekk fredag og natt til laurdag melding om vasskuterkjøring i Øyane, pressa matros på ferja, sovande dame på fortau og omfattande piratdrosje-verksemd på Søfteland.

Piratane med ny "haldeplass"
(Arkivfoto: KVB)
Kjetil Vasby Bruarøy
Kjetil Vasby Bruarøylaurdag 07. juli 2012 07:17

Søfteland Rock N LOL gjekk unna utan bråk på festivalen, men ved Søfteland skule var ein aktivitet som Os Taxi ikkje set pris på.

– I 2-tida fekk vi melding om mykje piratkjøring på Søfteland, fortel politibetjent Sindre Hallem frå Os lensmannskontor.

Patruljen var opptatt og fekk ikkje følgja opp, men kjem nok til å ha augene opne for denne typen aktivitet natt til søndag.

Trøtt kvinne

I 3-tida i natt fekk politiet melding om ei kvinne som søv på eit fortau på Søfteland.

Ambulanse rykte ut, men fann ikkje kvinna.

Klokka 00.50 hadde politiet promillekontroll - også det på Søfteland. 12 blei kontrollerte, alle var edru.

Vassjet og pressa matros

Fredag fekk politiet melding om vassjetkjøring både i Øyane og i Nordstrøno.

Patruljen hadde ikkje tid til å rykka ut. Politiet tok kontakt sentralt for å høyra om politibåten Kjølen var ute, men det var den ikkje.

– Frå ei av ferjene som kjører til og frå Halhjem fekk vi melding om bilførar som nekta å retta seg etter dirigering frå matros og "pressa matrosen vekk frå sin posisjon".

Bilføraren ville heller ikkje oppgje personalia. Matrosen noterte registreringsnummeret og vil følgja opp saka.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.