Politiet åtvarar mot «punisher-piller»
Tollvesenet har tatt beslag i eit større parti, samtidig er politiet kjent med at pillene er observerte i Vest politidistrikt.
Politiets nettpatrulje - Vest åtvarar mot potensielt dødelege piller.
– Dette kan vera same type pille som har ført til to døsfall i Storbritannia, fortel politiet via Facebook-sida som var ny i haust.
Tollvesenet har tatt beslag i eit større parti av tablettane, nokre blå MDMA/ecstasy-piller.
– Dei er kjenneteikna av ein trekanta form og ein hovudskalle-logo frå serien «The Punisher».
Politiet er kjend med at pillene har vore observert i Vest politidistrikt.
– Dersom du har fått tak i slike piller, ver snill og destruer dei på ein trygg måte! Ikkje bli ansvarleg for eigen eller andre sin død, skriv politiet, og ber om hjelp til å dela denne informasjonen.