Politi | 16. nov. 2023

Politiet ber om tips etter at mann blei meldt sakna

Har ikkje mistanke om at han er utsett for noko straffbart.

Politiet ber om tips etter at mann blei meldt sakna
Kjetil Vasby Bruarøy
Kjetil Vasby Bruarøytorsdag 16. nov. 2023 12:38

Onsdag kveld blei ein 27 år gamal mann frå Os meldt sakna.

Vedkomande er frå Ukraina, busett på Søfteland og jobbar hos Kronheim Grønt ved Lyssand Gartneri på Skeie.

Mannen jobba for Lyssand sitt selskap, Kronheim Grønt, som dyrkar salat på Skeie. (Foto: Kjetil Vasby Bruarøy)
Les ògArbeidsgivar har meldt mann sakna

Etterlysinga blei delt av ein kollega på Facebook torsdag formiddag, to døgn etter at mannen sjølv sendte melding om at han var dårleg og ikkje kom på jobb.

Politiovebetjent Christine Grinstein stadfestar at ein mann er meldt sakna, og ber om tips ved observasjon eller frå andre som kan ha informasjon om kvar sakna kan vera.

– Vi mistenker ikkje at han er utsett for noko straffbart, men vi har foreløpig heller ingen spor eller observasjonar etter meldinga han sendte til kollega tysdag morgon.

Tips kan rettast til politiet på telefon 47696060.

Sakna er 27 år gamal. (Foto: privat)
Sakna er 27 år gamal. (Foto: privat)

– Er det plan om leiteaksjon eller å kopla inn eksterne krefter?

– Vi har gjort ein del undersøkingar, og held fram med å gjera fleire, men det er førebels ikkje noko område som utmerker seg som aktuell å søkja i.

– Han kan vera kor som helst, så det vil vera lite målretta å byrja eit søk no. Men det kan endra seg om vi finn ut meir eller får inn nokre observasjonar.

Grindstein seier politiet kan koma med ei pressemelding med meir informasjon seinare i dag.

Den sakna mannen bur med ein kollega på Sælehaugen på Søfteland.

Då kollegaen kom heim frå jobb tysdag, dagen sakna var vekke frå jobb, var han ikkje i bustaden. Han kom heller ikkje heim om natta eller neste dag.

Onsdag i 19-tida kontakta arbeidsgjevar politiet for å melda mannen sakna.

– Ingen har fått tak i han på telefon heller. Eg kjenner han som ein pliktoppfyllande og munter mann, dette er unormalt og det bekymrar naturlegvis både meg og resten av kollegaene hans, seier arbeidsgjevar, Thomas Lyssand.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.