Politiet i Bergen hadde 229 hendingar 17. mai - Os hadde éin episode

Vest politidistrikt fortel om færre oppdrag 17. mai i forhold til i fjor, men enda på 348 oppdrag, ifølge BT.

I Bergen var det i alt 229.

Politiet i Os fortel om éi hending.

– Klokka 22.10 blei det meldt om ein vanskeleg gjest på ein utestad. Då patruljen kom til staden var det roleg der, men vedkomande blei vist vekk, opplyser politioverbetjent Christine Grindstein.

Det blei ikkje oppretta sak.

Dagen derpå, torsdag 18. mai, hadde politiet promillekontroll i Storestraumen. 23 trafikantar blei kontrollerte, alle var edru.

I 20.50-tida på kvelden fekk politiet melding om mogleg tjuveri frå Plantasjen.

Politiet rykte ut og møtte ein mann i 50-åra. Han hadde ei handlevogn med noko som framsto som kasserte planter.

– Handlevogna blei tilbakeført til Plantasjen. Det er ikkje lov å forsyna seg frå konteinarane, noko som også er opplyst om på skilt på staden, men det er ikkje oppretta sak.