Prinsesse på 85 (!) fot
Ein Princess på heile 85 fot klappa fredag til kai i Os.
Er du blant dei som synes båtar byrjar å gå frå cabincruiser til yacht når dei passerer 50-60 fot?
Britiske Princess har lenge vore ein luksus-klassikar langs norskekysten, og når prinsessene passerer 50 fot blir det gjerne sånn at du stoppar opp og kastar eit ekstra drøymande blikk om bord.
I går kom ein Princess på heile 85 fot til Os og la til kai på Sundøy.
Båten, som heiter Anne Viking, er eigd av selskapet Daco Marine i Sandnes.
Anne Viking blir styrt av eit mannskap på fire. I tillegg til mannskapslugarar har båten komfortabel plass til åtte personar i fire doble lugarar.
Etter det Midtsiden kjenner til går båten i chartertrafikk med turistar og er på veg til Sogndal via Bergen.
Men viss du synes Princess på 85 fot er imponerande så kan du sjekka ut verftet sitt nye flaggskip våren 2012:
Princess 40M, heile 131 fot med luksus og første Pricess med tre dekk.
Her kan du lesa meir om båten og sjå video av første eksemplar.