I flyt - Os kulturskule ved Patricia Langeland

Publikum og lærar rørt over danseframsyning

VIDEO: Sjå 8 minutt av «I flyt» i Oseana torsdag kveld.

Av: Kjetil Vasby Bruarøy

Onsdag og torsdag blei «I flyt» vist i Oseana.

«I flyt» er årets semesteravslutting for 130 elevar frå danselinja ved Os kulturskule, koreografert av lærar Patricia Langeland.

– Vi har hatt eit vidunderleg skuleår. No er eg berre veldig nøgd og veldig rørt, sa Patricia etter at andre og siste framsyning var over.

Også publikum var rørt.

– Det er eg glad for. Det er dette dans kan handla om, å formidla kjensler.

Sjå 8 minutt av framsyninga i videoen over, inkludert intervju med lærar, elev og publikum.