Råkøyring på Nore Neset

Det har lenge vore eit problem med råkøyring og anna stygg køyring, både av lette MCar og bilar i området ved Nore Neset ungdomsskule.

– No har det vore roleg ei periode, men no kan det sjå ut som det har byrja igjen, seier konstituert politioverbetjent Sindre Lekven Hallem ved Os og Austevoll lensmannsdistrikt.

Litt etter klokka 19 måndag ettermiddag fekk politiet melding om to bilar som råkøyrde på området.

– Det var ein kvit BMW og ein svart Volvo som dreiv råkøyring kor dei køyrde for fort og spant rundt. Vi fekk to uavhengige meldingar på dette.

– Patrulja reiste ut der, men då var dei vekke slik at dei ikkje fekk prata med dei. Derimot prata dei med nokre ungdommar som hadde sett køyringa og som stadfesta kva som hadde skjedd.

– Veit de kven bileigarane/-førarane er?

– Vi har ei formeining om det, svarar Hallem.

Sovna i Kuvågvegen

Klokka 0130 fekk politiet melding frå publikum som hadde funne ein sovande mann i Kuvågvegen.

– Han var overstadig berusa. Vi overlot difor oppdraget til våre kollegar i helsevesenet, som reiste ut og kontrollerte at alt sto bra til med han, seier Hallem.