Samferdsle | 22. nov. 2016

Rask og vellykka bru-støyping

Over 500 kubikk gjekk med, men Lyseklostervegen kunne likevel opna før tida.

Rask og vellykka bru-støyping
Tommy André Olsen, Ole Martin Øvstedal og Piotr Szatlarski frå Veidekke var med på støypejobben laurdag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 22. nov. 2016 12:28

Bildeserie:

522 kubikk betong gjekk med til jobben. (Foto: Kjetil Vasby Bruarøy)
522 kubikk betong gjekk med til jobben. (Foto: Kjetil Vasby Bruarøy)
Søndag klokka 11, fire timar før planlagt, opna Lyseklostervegen igjen. (Foto: Kjetil Vasby Bruarøy)
Søndag klokka 11, fire timar før planlagt, opna Lyseklostervegen igjen. (Foto: Kjetil Vasby Bruarøy)
Frå støypearbeidet laurdag. (Foto: vegvesen.no)
Frå støypearbeidet laurdag. (Foto: vegvesen.no)
1 av 3
522 kubikk betong gjekk med til jobben. (Foto: Kjetil Vasby Bruarøy)
Søndag klokka 11, fire timar før planlagt, opna Lyseklostervegen igjen. (Foto: Kjetil Vasby Bruarøy)
Frå støypearbeidet laurdag. (Foto: vegvesen.no)

I helga var fv 161 Lysklostervegen stengt grunna støyping av ny fylkesvegbru, som del av komande veg frå Endelausmarka til Åsen.

– Vi hadde rekna med å jobba til klokka 4 natt til søndag, men allereie klokka 21 laurdag kveld var vi ferdige, fortel Ole Martin Øvstedal og to kollegaer frå Veidekke.

Dermed kunne Lyseklostervegen opna klokka 11 søndag formiddag, i staden for klokka 15 som planlagt.

– Allereie mens vi tok vekk vegsperringane så kom den første bilen forbi. Det var ikkje alle som hadde fått med seg at vegen var stengt.

– Blir ny stenging seinare

Ein samanhengande betongleveranse på 522 kubikk måtte til for å bygga brua, skriv vegvesenet på sine heimesider.

Brua er på to spenn, på 22- og 26-meters lengde. Fylkesvegen inngår i prosjektet E39 Svegatjørn–Rådal.

Dette er den andre brua som er bygd i år på denne fylkesveg-armen mellom E39 og det som kan bli eit framtidig utbyggingsområde vest mot Lysefjorden.

No er det nedrigging av forskalinga som står att. Formen skal løysast frå betongen. Heile forskalingsformen vil seinare bli løfta vekk frå brua. Når dette skjer vil det på nytt vera behov for å stenga vegen nattestid.

Midtsiden samleside: E39 Svegatjørn-Rådal

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.