Raskast i både Osløpet og Langedalen Opp
130 deltakarar på bratt søndagstur: Thomas skulle berre heia på pappa, men spurta opp til mål saman med turklassen.
Bildeserie:
Søndag blei motbakkeløpet Langedalen Opp arrangert.
Konkurranseklassen (2000 meter og 150 høgdemeter frå Vinddalsvatnet) samla 36 deltakarar (mot 33 i fjor).
Vinnarane og bildeserie frå konkurranseklassen ser du her.
I turklassen var det heile 94 deltakarar.
– Fint vêr hjelper på. I tillegg hadde vi medaljar til alle, det kan ha vore med på å lokka endå fleire til å delta, seier Erik Tysse frå Søfteland TIL.
– Vi hadde søkt om KUP-midlar til premiering. Vi fekk ikkje midlar, men fekk til å stilla med medaljar likevel.
Thomas var raskast i både Osløpet og Langedalen Opp
Turklassen starta klokka 14, konkurranseklassen klokka 14.15. Dermed var det godt med publikum i målområdet. Drikkestasjonen var flytta frå målområdet og fram til den meir publikumsvenlege siste kneiken før flaten og spurten.
Internt i idrettslaget var både friidrettsutøvarar og fotballspelarar oppmoda om å stilla.
Fleire tok dette som ein tur, men det var òg mange unge som pressa seg opp løypa.
Raskast av alle var Thomas Heggland Sælen, som i august vann klassen 7-9 år i Osløpet.
Han skulle i utgangspunktet berre heia på pappa Tore, som kom på 2. plass i konkurraseklassen, men meldte seg på sjølv òg.