Sport | 09. juni 2018

Råsterk fjellmaraton av Opptur-gjengen

To frå Opptur Motbakkeklubb på topp 40 av 800 deltakarar.

Råsterk fjellmaraton av Opptur-gjengen
Klas Færøvik ved målgang, inn til 23. plass av 784 deltakarar. (Foto: Bjørn Erik Larsen, Bergens Tidende)
Kjetil Vasby Bruarøy
Kjetil Vasby Bruarøylørdag 09. juni 2018 08:10

Bildeserie:

Opptur stilte med 30 deltakarar. (Privat foto)
Opptur stilte med 30 deltakarar. (Privat foto)
Andreas Størkson, her i Langedalen i 2016, kom på 34. plass uansett kjønn og alder. (Foto: KVB)
Andreas Størkson, her i Langedalen i 2016, kom på 34. plass uansett kjønn og alder. (Foto: KVB)
I kvinneklassen blei det 9. plass og 22. plass til Opptur. (Privat foto)
I kvinneklassen blei det 9. plass og 22. plass til Opptur. (Privat foto)
Mest glad ved målgang, skriv BT om den nøgde osingen. (Foto: Bjørn Erik Larsen, Bergens Tidende)
Mest glad ved målgang, skriv BT om den nøgde osingen. (Foto: Bjørn Erik Larsen, Bergens Tidende)
1 av 4

Torsdag kveld blei Bergen Fjellmaraton gjennomført. 2000 var påmeldt det 21 kilometer lange fjelløpet frå Montana til Skansemyren, 784 av dei i konkurranseklassen.

• Sjå bildeserie på BT.no

Opptur stilte med heile 30 deltakarar, fleire av dei med god plassering og ny personleg rekord.

– Eg persa med 6 minutt, Andreas S. Størkson persa med over 12 minutt, fortel Klas Færøvik.

Klas kom på 23. plass uansett kjønn og alder med tida 1.50,50, Andreas kom på 34. plass med tida 1.53,49.

– Andreas imponerte stort! Han kom òg på 2. plass i gutar 16-19 år. Sjølv synest eg det er kjekt å sjå at ikkje alderen innhenter meg, løpet kjentes lett og eg var sterkast i siste del, der eg blant anna sprang inn 1,5 minutt på Geir, seier Klas.

Geir S. Skaten (Gular) blei raskaste frå Os og kom på 21. plass.

• BT: Søk på deltakar og sjå målgang

– Løpehovudstaden Bergen

Vinnaren, den nybakte noregsmeisteren i motbakkeløp Stian Øvergaard Aarvik (Gneist), kom i mål på utrulege 1.30,26, over 9 minutt framfor nestemann.

– Bergen har blitt løpehovudstaden og nivået på topp 100 i Bergen Fjellmaraton er veldig høgt. Stian er berre 21 år, men er kanskje verdas beste i denne typen løp.

– I tillegg er han god på asfalt og løper 10 km på under halvtimen. Det er to ulike idrettar, det ser vi når Ingebrigtsen-brørne prøver seg utanfor bane. Men Aarvik meistrar begge, i tillegg til å vinna Stolzen og NM i motbakke, seier Færøvik.

Tøsdal på pallen - Hilstad på 9. plass

623 av 784 deltakarar var menn. Kvinneklassen blei vunne av Sara-Rebekka F. Linde (Varegg) med tida 1.52,25.

Margunn Bye Tøsdal, som vann Bergen City Marathon, kom på 2. plass i kvinneklassen, uansett alder, med tida 2.01,18. Karin Hilstad frå Opptur kom på 9. plass med 2.11,57.

Kjersti Tyse Lyssand kom på 13. plass, Cecilie Hagen på 22. plass.

• Komplett resultatliste på eqtiming.com

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.