Kultur | 16. okt. 2009

Red Hot bursdag

Red Hot-bassist Olav Skorpen feirer i kveld sin eigen og "tvillingbroren" Flea sin bursdag. Til oppvarming kjem eit heftig band frå Førde.

Red Hot bursdag
Kjetil Vasby Bruarøy
Kjetil Vasby Bruarøyfredag 16. okt. 2009 10:53

Bildeserie:

1 av 1

Michael Balzary, kjent som bassisten Flea i Red Hot Chili Peppers, fyller 47 år i dag.

- Hadde han vore fødd éi veke før så hadde han vore på dagen 10 år eldre enn meg, seier Flea sin kopi, bassist i tributebandet Red Hot Cherry Poppers, Olav Skorpen.

Red Hot Cherry Poppers, som består av Skorpen saman med vokalist Tor Espen Skoglund, gitarist Bjørn Stian Bjoarvik og trommespelar Bjørn Magne Moberg, er godt kjent i heimbygda Os. Sist dei spelte konsert her var i vinter, men i sommar var dei i nabokommunen Tysnes for å varma opp for Surferosa på Tysnesfest.

- Det var på tide med ein konsert i Os igjen, og passa bra med at vi kunne feira Flea litt same kveld, seier Olav om konserten dei skal ha på Bar2Be fredag.

Daud eller dauv?
Før RHCP går på scenen kjem Impedansebande frå Førde for å få fart i publikum.

- Iikkje la deg lura av namnet. Dette er eit intenst liveband som spelar rock'n roll rett frå levra og skyt feite riff frå hofta, skriv bandet på si myspace-side.

Musikken mekkar dei sjølv, og dei framfører låtane på solid jølstramål, ikledd pinntronge bukser og med frekke kotelettar.

- Trumf på deg den trongaste dongeribroka du har og kom på konsert med eitt av Sogn og Fjordane sine største rockehåp! Får du ikkje rockefot når du høyrer oss så er du enten stein dau eller stein dauv!

I snutten under kan du sjå Red Hot Cherry Poppers LIVE.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.