Lokal | 21. mai 2012

Redda av automatisk varsling

For andre gong på seks veker har det vore tørrkoking i Gamleheimshagen. – Eldre bør skaffa seg komfyrvakt, og sjekka at dette fungerer, seier brannsjefen.

Redda av automatisk varsling
To gongar på seks veker har brannvesenet rykt ut til tørrkoking i Gamleheimshagen. (Arkivfoto: KVB)
Kjetil Vasby Bruarøy
Kjetil Vasby Bruarøymåndag 21. mai 2012 11:00

I 12-tida i dag rykte brannvesenet i Os ut på automatisk varsling frå institusjonen Gamleheimshagen i Oshaugen.

– Ei eldre kvinne som heldt på å laga seg mat hadde sovna, fortel brannsjef Stein Gjøsund.

Husværet var fylt med røyk då brannvesenet kom fram. Kvinna skal ha kome frå det utan alvorlege skadar.

– Heldigvis blir vi varsla direkte og automatisk når alarmen går i desse bustadane.

Aukande risiko

Det er berre ein god månad sidan sist, 8. april gjekk alarmen to gongar same dag, i to ulike husvære i Gamleheimshagen.

Også då var eitt av tilfella tørrkoking.

– Dette kan bli eit aukande problem når fleire og fleire eldre bur heime, fryktar Gjøsund.

Komfyrvakt som fungerer?

Brannsjefen seier det er viktig at pårørande ser til at eldre har komfyrvakt, ei nedtellingsklokke som du må skru på for å få straum på komfyren, og som slår seg av etter ei bestemt tid.

– Kvinna vi rykte ut til hadde ein sånn, men den var ikkje kopla til. Dei som har komfyrvakt bør sjekka at denne fungerer som den skal, at komfyren ikkje kan brukast utan og at den slår seg av når klokka har talt ned, seier Gjøsund.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.