Rekord i julestemning
VIDEO: Over 1000 osingar deltok i fakkeltog og opning av julegatene i Os sentrum fredag kveld.
Fredag kveld var det fakkelfredag i Os, fakkeltog frå Vindu mot Fjorden til Os sentrum, tenning av julegrana, song ved elevar ved Kongshaug Musikkgymnas, gang rundt juletreet - og besøk av nissen.
Arrangementet, som blei supplert med fint snøvêr, hadde rekordmange deltakarar.
– Alle dei 200 faklane vi hadde blei delt ut og på tampen av arrangementet, då nissen kom, delte han ut 480 godteposar, fortel leiar i Os Sentrumsforening, Geir Amundsen.
– Det betyr at vi truleg hadde nærmare 1500 folk i sentrum i kveld, sa Geir etter julegrantenninga.
Også utstillinga av peparkakehus opna i går. Sjå eigen bildeserie her.
VIDEO: Sjå stemningsrapport frå Os sentrum fredag kveld. (Foto: Kjetil Vasby Bruarøy)