Toril og dottera Mona i butikken - rett før ankomst av 40 kubikk med varer. (Foto: Kjetil Vasby Bruarøy)

Rekordleveranse hos 2Villa

Fekk 40 kubikk frå Kina etter «tidenes handletur».

image
image
image
image
image
image
image
image
Av: Kjetil Vasby Bruarøy

Interiørbutikken 2Villa, som opna i Os Næringspark for to år sidan , vert stadig fylt med eksotiske varer. Noko er norsk, men mykje er handplukka restaurerte møblar og interiør frå Asia. Noko er også gamle ting, især frå Kina.

– Vi starta med å handla frå engros frå andre firma som reiser rundt og samlar inn varer frå nær og fjern. Dette er framleis aktuelt for ein god del av varene våre. Det finst merke vi ønskjer å tilby kundane, og som vi handler hos andre europeiske og norske importørar. Men vårt unike uttrykk, våre gamle ting og gjenbruksvarer, har vi møysommeleg leita oss fram til på eigahand. I starten  reiste vi til India, i førre veke kom eit rekordstort lass frå Kina. 

– Det er ein stor og vanskeleg jobb å finna dei skikkeleg gode og unike varene. Det er ikkje berre til å reisa ned til Kina, det krev godt forarbeid og ein god del kjenskap til både den kinesiske marknaden, men òg til kinesisk kultur og historie. 

– I første omgang skulle vi berre ned å orientera oss litt, seier Toril Bjørgo Skåtøy,

Ho og dottera Mona starta med nettbutikk og utsal frå garasjen heime på Drange. Nettbutikken er framleis i drift, men no sel dei òg stadig meir i butikk og på ulike messer.

Gode kontaktar

Årsakene til at det blei tur til Kina er fleire. 

– Vi har vore på ferie i Kina før, og vi har slekt  som har budd i Hong Kong og som sidan har jobba med Kina på ulike vis. Som følgje av det har dei hatt mange reiser til fastlandet i Kina. 

– Denne kjennskapen til landet har vore særs nyttig for oss, og det hjelper sjølvsagt også at ho snakkar litt kinesisk. Svigerinna mi kjem frå ein familie som i fleire generasjonar har samla på, og vore intereserte i, kinesiske antikvitetar. Det har hjelpt oss å finna fram til dei gode varene og kontaktane.

Telefonkonferanse i barnedåp

I april var første forretningstur. Familien Skåtøy brukte mykje tid på førehand for å finna rett forhandlar og rett kvalitet. 

– Den første gongen fylte vi ein konteinar på 20 kubikk. I august bestilte vi 40 kubikk til, som no er på plass.

– Dette blei bestilt etter ein serie med videomøter. Sidan Kina sensurerer vekk Facebook, måtte vi ta kinesiske WeChat i bruk. Via denne blei det videochat med omvising på verkstadar og lager, vare for vare. Rett før konteinaren vår skulle sendast fekk vi siste anrop. Det var barnebarnet mitt sin dåpsdag, men vi var nødt til å handla oss ferdig før båten gjekk. Det blei litt hektisk, men vi rakk begge delar, seier Toril og ler.

I oktober var Toril til Kina igjen. Ho landa heime i Noreg igjen dagen før varene som blei bestilt i august kom til butikken.

Ein gamal samlar

2Villa er ikkje dei einaste i interiørbransjen som kjøper frå Kina, eller som sel restaurerte møblar og brukskunst.

– Sjølv om vi ikkje kjøper inn tilsvarande volum som kjedane, ser vi fleire gongar at vi slår dei på pris og me har og klart å finne fram til nokre skatter som du ikkje finn hos andre forhandlarar.

Det tar tid å etablera gode handelskontaktar i Kina. Du må finna dei rette leverandørene og du må bruka en del energi på relasjonsbygging. No føler vi at vi har klart å etablera gode og solide kontaktar i Kina med eit firma som reiser rundt i provinsane i landet og kjøper inn gamle ting. Ein av leverandørane er ein gamal mann som har samla heile livet, og som har søner som driv med gjenbruk.

– Sidan vi var der nede første gongen har han måtte flytta verksemda si lengre frå Beijing, då styresmaktene trengte området til eit nytt prosjekt. Det var derfor spennande då vi var der no i november, då mange varer var flytta på, og nye skattar kom fram.

 Manuelt mottak

Torsdag i førre veke kom traileren. Men kva gjer du når denne kjem fram til butikken, men ikkje til lageret på Drange.

– Vi har samla alle gubbane våre her i kveld, seier Mona og ler.

Etter lossing må alt sorterast, og mykje av lasset over i småbilar for å køyrast til oppbevaring på Drange.

– No gler vi oss til å få varene i hyllene, og så kvir vi oss litt til timane vi no har framfor oss med tungt arbeid.

Fleire saker