Rekordmange 120 stilte på kurs med Røde Kors

Berre éin krins hadde for få påmeldte då Os Røde Kors reiste rundt med gratis kurs i livredding.

Frå Os Røde Kors sitt kurs med tilsette ved Os ungdomsskule i fjor. (Foto: KOG)
Kjetil Vasby Bruarøy
Kjetil Vasby Bruarøysøndag 26. mai 2019 21:47

I slutten av april fortalte Os Røde Kors om årets turné med gratis kurs i livreddande førstehjelp.

No er kursa gjennomførte, og det blei ny deltakarrekord i år.

– Vi hadde i alt 120 deltakarar, 15 fleire enn i fjor, fortel Kristian Strønen frå Os Røde Kors.

Kvinnene tar ansvar

Førstehjelpskampanjen 30:2 nådde ut til 6 krinsar, i tillegg til på Røde Kors-huset i Kolskogheiane.

– I Lyseklofjorden var det berre tre påmeldte, så der blei det dessverre ikkje kurs, dei andre stadane hadde vi godt oppmøte.

– Det viser seg fortsatt at kvinnene er i fleirtal, i alt 90 av 120, altså 75 prosent av årets deltakarar, er kvinner.

Søfteland 19 (14 kvinner og 5 menn)
Søre Øyane 14 (12 kvinner og 2 menn)
Nore Neset 17 (11 kvinner og 6 menn)
Hegglandsdalen 12 (8 kvinner og 4 menn)
Søre Neset 16 (15 kvinner og 1 mann)
Strøno 20 (14 kvinner og 6 menn)
Huset 22 (16 kvinner og 6 menn)
Sum 120 (90 kvinner og 30 menn)

– Vi håper at deltakaren var nøgde med opplæringa, og vi ønskjer å takka ungdomslag, idrettslag og stiftinga Nore Neset Aktivitetshus som stilte lokala sine til disposisjon, seier Strønen på vegne av Os Røde Kors.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.