Lokal | 12. nov. 2015

– Rekordmange lærlingar

Framo har teke turen til Bjørnefjorden utdanningsmesse på Nore Neset for å marknadsføra seg for elevane.– Vi har rekordmange lærlingar i år, seier Arve Skåtun

TAF-læring Ørjan Riise, Arnt Ove Lundervik og Arve Skåtun frå Framo fortel at deira verksemd har rekordmange læringar i år. (Foto: CV)
Cathrin Valestrandtorsdag 12. nov. 2015 09:49

Med seg har han Arnt Ove Lundervik og TAF (Teknisk almennfagleg)-læring Ørjan Riise.

– Tidlegare i alle fall, var Framo Fusa den største Os-arbeidsplassen utanom Os kommune. Og framleis er det mange osingar som pendlar inn for å arbeida hos oss. I år har vi heile 63 lærlingar hos oss. Halvt om halvt mellom TAF-lærlingar og vanlege. Så vi har auka opp talet på lærlingsplassar, seier Skåtun

– Vi slår eit slag for TAF også. Då er elevane lærlingar hos oss gjerne fire dagare i veka, og går på skule ein dag. Då har dei fire års utdanningsløp, og dei sit att med både fagbrev og studiekompetanse på toppen, legg han til.

Riise tykkjer livet som TAF-læring er heilt greit.

– Det er ein fin måte å ta utdanning på, som er litt meir praktisk retta. Og det er kjekt å vera ute i arbeidslivet også, ikkje berre slita på skulebenken, seier Riise.

Etterlyser TAF-plassar i Os

Knut Hjertnes ved Fusa vidaregåande seier dei tilbyr fleire utdanningar innan TAF, både helse, marin og mekanisk.

- No er vi på jakt etter fleire TAF-plassar i Os i mekaniske verksemder. Tidlegare har vi hatt Rolls Royce med på laget, men der vert det ikkje meir framover. No må vi ut og finna nye bedrifter, seier Hjertnes.

– Eg er litt usikker på om dei vil og tør ta imotTAF-læringar, desse Os-verksemdene.Men realiteten er at vi har flinke og pliktoppfyllande elevar. Og bedriftene får stabil arbeidskraft i fire år, seier han og legg til at han vil nok strekke ut ei hand til Os næringsråd og be om å få ein sjanse til å presentera seg der.

– Vi må dyrka desse ungdommane og få dei opp og fram, avsluttar han.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.