Så mange hestekrefter har neppe vore samla på Vedholmen Landhandel før. (Foto: Kjetil Vasby Bruarøy)

Rekordmønstring på Vedholmen

Bergen Poker Run: Deltakartalet dobla seg frå i fjor. To frå Os stilte med båt som har vunne NM.

image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Laurdag var det tid for årets versjon av Bergen Poker Run, frå Bergen til Våge med pitstop på Vedholmen Landhandel og cruising via Haugland og Halhjem på veg til middag på Mandelhuset.

Første båt kom susande rett inn Strøneosen som planlagt, dei fleste av dei andre følgde etter helikopteret rundt Kobbavågen og inn mellom Bjørnarøya og Røtinga til butikken.

I fjor var det 22 deltakarar, i år hadde deltakartalet passert 40.

– I år har vi ekstra mange powerbåtar med, og minst fem av dei er tilreisande, sa arrangør Knut Steen Rakner frå Speedball AS til Midtsiden dagen før start.

– Det er gøy, men fysisk krevjande

Også i år var det osingar om bord i nokre av båtane, som Riley6-modellane om bord i «moderskipet» til arrangøren. Nytt i år var eigen DJ på badeplattforma, ho sendte passande rytme innover bryggene.

Powerbåtane låg tett, det gjorde òg dei skodelystne, ved og rundt bryggene og kaien til Vedholmen Landhandel.

Blant deltakarane var Niklas Thuen Nielsen og André Nordberg Mykkeltvedt frå Os. Dei køyrde i ein båt som både har vunne NM og deltatt i VM i klassen Thundercat (les intervju med førre eigar i Varden.no), men som berre er 14 fot.

– Motoren er ein 2006-modell Tohatsu med 75 hk. Båten er ein Zap Cat og går i 53 knop, fortel Niklas.

– Det ser kanskje ut som om det er stille på fjorden, men for denne vesle båten, mellom bølgjene dei andre lager, får vi oss ei god treningsøkt med å halda oss fast og å halda båten på rett kjøl, seier André.

Då dei møtte Hardangerfjordekspressen gjekk dei loddrett opp i hekkbølgene, men landa greit og har ikkje tatt skrekken.

– Vi gler oss både til middag på Mandelhuset og festen på Zachen i kveld!

• Sjå bildeserie frå Bergen Poker Run i fjor: Gamal klassikar i høg fart

Fleire saker