Rekordrask opptur

Det blei nye rekordar både i dame- og herreklassen i Linken Opptur søndag. Éin deltakar tok like greitt åtte (!) fjell på same dag.

Joel Dyrhovden satte ny løperekord med 18.02 (!) opp til Linken. Også Andreas Søfteland og Erlend Gjerdevik Sørtveit sprang på under 20 minutt (foto: Andris Hamre)
Andris Hamresøndag 28. mai 2017 15:48

Bildeserie:

Det var godt med ein matbit etter strabasene (foto: AH)
Anita Iversen Lilleskare satte ny løyperekord for damene (foto: AH)
Jan Egil Deinboll kom rett frå 7 Fjellsturen til Linken Opptur (foto: AH)
På Meny venta saft, vatn og betasuppe (foto: AH)
Det var godt med ein matbit etter strabasene (foto: AH)
Anita Iversen Lilleskare satte ny løyperekord for damene (foto: AH)
1 av 4
Anita Iversen Lilleskare satte ny løyperekord for damene (foto: AH)
Jan Egil Deinboll kom rett frå 7 Fjellsturen til Linken Opptur (foto: AH)
På Meny venta saft, vatn og betasuppe (foto: AH)
Det var godt med ein matbit etter strabasene (foto: AH)

Den andre Linken Opptur blei igjen ein opptur, sjølv om det kolliderte med 7-Fjellsturen i Bergen og blei lagt til søndag i ei langhelg.

– Vi har vel om lag 70 som har gått i trimklassen og rundt 60 som startar i konkurranseklassen. Det er litt ned frå i fjor og skuldast nok litt at vi har kollidert med 7-Fjellsturen. I tillegg kom vi litt seint i gang med annonseringa, fortalde Andreas Søfteland i Opptur Motbakkeklubb før start.

Sjå samtlege løperar slita seg oppover lia på Midtsiden si Facebook-side.

Tre mann under 20 minutt

I fint løpsvêr med lettskya og 17-18 varmegrader gjekk det i raske kliv opp bakkane.

Raskast var karane i klassen 23-34 år, kor Joel Dyrhovden frå Samnanger IL/Safa sette ny løyperekord med tida 18.02 (!) på dei 2 kilometerane og 440 høgdemeterane opp til Linken.

Topp tre, herrar:

1. Joel Dyrhovden, Samananger IL/Safa, 18:02
2. Andreas Søfteland, Opptur Motbakkeklubb, 19:32
3. Erlend Gjerdevik Sørtveit, Strindheim IL, 19:40

Sjå alle resultata i herreklassane her.

Ny damerekord

Det var ikkje berre i herreklassen det gjekk unna, også damene var lett på fot opp lia.

Raskast var Anita Iversen Lilleskare frå BGF Bergen Løpeklubb, som også vann i fjor.

Med 21.43 blei det ny løyperekord også i kvinneklassen.

Topp tre i damer:

1. Anita Iversen Lilleskare, BFG Bergen Løpeklubb, 21:43
2. Marita Nygård, Opptur Motbakkeklubb, 23:09
3. Karin Hilstad, Opptur Motbakkeklubb/Statoil ASA, 26:21

Sjå alle resultata i dameklassane her

Rett frå 7-Fjellstur til Linken Opp

Trass sterke tider var det éin deltakar som imponerte meir enn dei andre.

– Eg kjem rett frå 7-Fjellsturen. Dette blei litt tungt, kommenterte Jan Egil Deinboll frå Opptur Motbakkeklubb då han passerte Midtsiden sin fotograf like ovanfor 100-høgdemetersmerket.

Etter løpet fortalde Deinboll at han hadde hatt klokka på 0245 for å rekkje alt han hadde planlagt i løpet av søndagen.

– Eg starta litt før klokka fire i natt og var i mål etter seks og ein halv time før det bar i bilen hit for å vera med på Linken Opptur.

– Kvifor gjer du det? Dei fleste ville ha nok med éin av delane.

– Vi var vekke då Linken Opptur blei arrangert i fjor, så i år skulle vi ha det med oss. At det kolliderte med 7-Fjellsturen fekk berre vera. Tida brydde eg meg ikkje om, det viktigste var å koma seg opp, smiler Deinboll, som brukte kortare tid enn dei fleste andre av oss, sjølv med 7 fjell i beina før han tok det åttande på Os.

Deinboll klokka inn på 39.30.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.