Rekordstemnet!

Bildeserie:

1 av 3

I duskregnet laurdag starta kappgjengarane utandørssesongen på Kuventræ med ER-AN opningsstemne og NM på bane med 5000 meter for kvinner og 10000 meter for menn.

Noregs beste kappgjengar Håvard Haukenes var ikkje med, då han i staden gjekk ein råsterk 50 km i Dudince med ny personleg rekord 3.43.40 og siger.

Heime på Kuventræ viste resten av kappgjengarane at det gror godt i miljøet.

– Kappgang er definitivt på veg opp. Tida Fredrik Vaeng Røtnes frå BUL Tromsø vinn på i dag, 41.29.9 er raskare enn Håvard sin personlege rekord på 10 000 meter og nok blant topp seks gjennom tidene, fortel Erling Andersen.

Sølv til Joakim

På plassen bak tok osingen Joakim Sælen ein like imponerande 2. plass. Imponerande med tanke på at han knapt har trent i seks månader.

– Eg har vore gjennom ei utgreiing i høve hjartet, så eg fekk først treningsforbod i to månader, før eg dei siste fire har fått lov å trena forsiktig. Legane har ikkje funne noko feil, så eg kan etterkvart trappa litt meir opp på treninga, fortalde Sælen etter at han kom i mål.

Sjølve løpet er han berre sånn passe nøgd med.

– Det er vel greitt nok. Starten var bra og eg hang greitt med, men etterkvart gjekk det for treigt, kanskje ikkje så rart med det treningsgrunnlaget eg har.

– Men NM-sølv har du vel ikkje lov til å ikkje vera nøgd med?

– Nei, eg har ikkje det, smiler han.

Resultat NM 10000m kappgang

1. Fredrik Vaeng Røtnes, BUL Tromsø, 41.29,9
2. Joakim Sælen, TIF Viking, 46.24,7
3. Syver Andersen Morvik, TIF Viking, 53.54,3
4. Tobias Lømo, IK Tjalve, 54.55,8

Fire personlege rekordar

På kvinnene sin 5000 meter viste dei fire første at litt duskregn ikkje er til hinder for gode tider.

Vinnar blei Merete Helgheim frå Gloppen framfor Fride Møller Flatin frå Dimna, Josefin Greiff frå Tønsberg og Lisa Måren Løseth frå Høyanger. Alle fire med solide personlege rekordar.

Resultat NM 5000m kappgang

1. Merete Helgheim, Gloppen FIL, 23.48,6
2. Fride Møller Flatin, Dimna IL, 25.30,6
3. Josefin Greiff, Tønsberg FIK, 26.10,0
4. Lisa Måren Løseth, Høyang IL, 26.37,6
5. Amalie Langvatn Eide, Ålesund FIK, 30.03,7
6. Sigrid Vehus Skjerve, Verdal FIK, 31.57,0

– I samband med stemnet har vi òg treningssamling for dei yngre utøvarane. Heile ti kretsar er representert, så det viser at det gror godt i norsk kappgang.

Resultat ER-AN Opningsstemne

1000m kappgang - J9
1. Mari Wiik Søreide, Søfteland TIL, 6.17,5
1. Ingvild Thorsnes Kvinge, Søfteland TIL, 7.36,4

1000m kappgang - J12
1. Nora Wiik Søreide, Søfteland TIL, 5.17,6
2. Lena Sperrevik, Søfteland TIL, 6.04,2

1000k kappgang - J14
1. Sigrid Lund-Nilsen, BUL Tromsø, 5.48,4

1000m kappgang - G11
1. Magnus Thorsnes Kvinge, Søfteland TIL, 5.51,9

1000m kappgang - G14
1. Daniel Oppen, Sturla IF, 5.31,3
2. Brage Qviller, Orion FIK, 5.41,2

1000m kappgang - G15
1. Oskar Price Selstø, Sturla IF, 5.42,3

2000m kappgang - G14
1. Benjamin Bjørnstad, Sturla IF, 10.23,8

3000m kappgang - J15
1. Siri Gamst Glittenberg, Laksevåg TIL, 17.14,7

3000m kappgang - J16
1. Emma Marie Strand, IK Hind, 17.48,9

3000m kappgang - G16
1. Einar Bjøru, Sømna IL, 16.08,6
2. Tarjei Peder Vestjord, Målselv IL, 16.15,2

3000m kappgang - MS
1. Petter Strømmen, TIF Viking, 17.46,7
2. Arild Fotland, Søfteland TIL, 17.50,3