– Vi gjennomførte skulevalet denne veka fordi det passa best inn i planane våre, fortel lærar Mona Stigen Heggeland.
Elevane frå 14 VG1-klassar, 14 VG2-klassar og 4 på tredje trinn stemte tysdag 1. september.
Onsdag morgon blei stemmene talte opp.
– Av 452 elevar var det 402 som stilte. 57 av desse stemte blankt, dermed var det 345 teljande røyster frå vgs-elevane.
Frp størst - men går mest tilbake
Fremskrittspartiet er framleis størst ved Os vgs, men går tilbake med 9,1 prosentpoeng, frå 43,6 til 34,5 %. I 2007 hadde Frp heile 59,1 prosent av stemmene ved Os vgs.
Høyre og Mdg går mest fram med 3,6 og 3,3 prosentpoeng.
Høyre har også passert Ap og er no nest største parti på Os vgs.
Sp går tilbake heile 5,4, Ap går tilbake 2,2 prosentpoeng.
Venstre vaks litt, men må likevel sjå seg slått av parti som Piratpartiet og Pensjonistpartiet.
KrF og SV fekk berre 6 og 5 stemmer og står med 1,7 og 1,4 prosent av stemmene.
Her kan du lesa om debatten Os vgs hadde i førre veke.
Resultatlista
Resultat frå skulevalet ved Os vgs 2015
(Partilister frå fylkesting-valet)
Frp 34,5 % (-9,1) - 119 stemmer
Høyre 18,8 % (+3,6) - 65 stemmer
Ap 13,0 (-2,2) - 45 stemmer
Piratpartiet 7,0 % - 24 stemmer
Pensjonistpartiet 4,3 % - 15 stemmer
MdG 4,3 % (+3,3) - 15 stemmer
Venstre 3,8 % (+0,6) - 13 stemmer
Sp 3,5 % (-5,4) - 12 stemmer
Rødt 2,6 % (+1,2) - 9 stemmer
Feministisk Initiativ 2,6 % - 9 stemmer
KrF 1,7 % (-0,4) - 6 stemmer
SV 1,4 % (+0,7) - 5 stemmer
Demokratene 0,6 % - 2 stemmer
Kystpartiet 0,3 % - 1 stemme
Resultata frå 2011 (med 2007 i parantes)
Frp: 43,6 % (59,1)
Ap: 15,6 % (5)
H: 15,2 % (18,9)
Sp: 8,9 % (5)
V: 3,2 % (1,5)
KrF: 2,1 % (1,2)
Raudt: 1,4 % (0,9)
MdG: 1,1 % (-)
SV: 0,7 % (1,5)
Andre*: 8 %
• I 2011 fekk Frp og Ap 27 og 26 prosent av stemmene ved Os Gymnas.
• Her er resultatet frå førre lokale skuleval ved Os Gymnas.
Midtsiden samleside: #ValiOs15