Rock på ein måndag

Bildeserie:

1 av 8

– Eg var spent på denne kvelden og hadde ikkje venta mykje folk, Om det så berre hadde kome éin så hadde det vore ein siger, seier leiar i Os Rockeklubb, Kjetil Grønvigh.

SJÅ VIDEO NEDST I ARTIKKELEN

Tett konsertprogram i Bergen og ei fullsett opningshelg i Oseana gjorde at Grønvigh blei positivt overraska over at rundt 100 tok turen til Mobergsneset for å oppleva quiz og Young Collection-konsert, rock i Oseana (RIO) måndag kveld.

14 lag - feil vinnar

Rockekvelden starta med quiz, og Os si eigen quizmistress, Linda Johannessen frå Irish Cat-quizen, hadde spørsmåla klare.

– Quizen har auka etter at vi flytta den frå nedlagte Opus til nyare Irish Cat, der ligg vi på rundt 15-20 lag gjennom vinteren, men truleg ein god del meir no når ferien startar.

Også Linda var nøgd med oppmøtet, 14 lag, kvart med fire deltakarar, og det å prøva quiz i ny stove.

– Laget med Jon Hægland, Espen Giertsen, Andreas og William Lindborg hadde med 26 av 30 flest rette svar, men sidan Lindborg-brørne frå Søfteland Rock N LoL var med på å laga regien for kvelden (ikkje spørsmåla, men likevel) blei det trekt ein annan vinnar, fortel Linda.

Tommy Lepsøy, Ingrid Lepsøy og Magne Lepsøy stakk av med sigeren. T-skjorter, cd, effektar og pass til Rock N LoL var blant premiane.

Ossongen-solo

Young Collection, som i 2010 gjorde comeback etter 40 år, hadde gledd seg til å bli første rockeband til å spela i Oseana. Om vi trekk frå ORBO & The Longshots på opningskvelden fredag.

Harald Nøss (trommer), Torbjørn «Timmy» Kristiansen (bass), John-Harald Kristiansen (vokal, gitar) og Erik Brinchmann-Hansen (keyboard) var klare, og John-Harald opna med Ossongen på gitarsolo før konserten drog skikkeleg i gang.