Rockar jula inn
Etter eit sidesprang med Bergen i fjor er julerocken tilbake i Os når rockeklubben opnar dørene laurdag kveld.
Laurdag arrangerar Os Rockeklubb den tradisjonsrike julerocken igjen.
– I fjor blei den avlyst då "Os Rock City goes Garage" kom såpass nære jul at vi ikkje hadde kapasitet til båe arrangementa.
– Men i år er vi tilbake, betre enn nokon gong, smilar Andreas Lindborg.
– Kor mange gonger har de arrangert julerocken då?
– Det har eg faktisk ikkje svar på.
– It goes way back, men har blitt arrangert på forskjellige utestader rundt i bygda. Det er berre dei siste åra vi har hatt det i rockeklubben på Kuventræ, fortel Lindborg.
Juleband og Bömbers
På scena i rockeklubben står Motörhead tributebandet Bömbers.
– Bömbers består av tre av ringrevane i Os Rock City - Abbath frå Immortal på bass og vokal, Tore Braseth frå The Batallion/Old Furneral på gitar og Pez frå Punishment Park/Jef på trommer.
– I tillegg kjem det eit juleinnslag frå julebandet de skreiv om i fjor.
– Det er berre å komma seg opp på Kuventræ i kveld når det brakar laus frå klokka åtte, reklamerar Lindborg.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.