Røde Kors skal kursa Røde Kors

– Hordland Røde Kors skal ha ei større øving i Os helga. Publikum treng difor ikkje bli uroa om dei ser Røde Kors-båten og personell langsmed sjøen laurdag og søndag.

Dette fortel Ivar Nilsen frå Os Røde Kors.

– I tillegg til Hordaland Røde Kors sin båt vil det nok vera fleire båtar i aktivitet i området. Det vil òg vera mannskap som driv med søk frå land, seier Nilsen.

Skal kursa 15

Nilsen fortel at det er totalt 15 Røde Kors-medlemmer som skal kursast i helga.

Fem av desse tilhøyrer Os Røde Kors, mens resten kjem frå ulike lokallag i Hordaland.

– Øvinga startar med svømme-test i Ulvenvatnet i ettermiddag, før vi held fram med to tettpakka dagar ved Ramsholmen laurdag og søndag.

– Når dei 15 deltakarene avsluttar kurset søndag kveld, skal dei alle vera kvalifiserte i sjøredning, avsluttar Nilsen.