Roleg helg
Politiet har hatt ei roleg helg på andre sakar enn drapsetterforskninga, men har hatt eit par tilfelle av fyrverkeribruk og festbråk.
Medan etterforskinga av drapet i Gamleheimshagen har pågått med uforminska styrke i helga har dei øvrige lensmannsbetjentane hatt ei relativt roleg helg.
- I det store og heile har det vore roleg. Nokre tilfelle av festbråk har det riktig nok vore, men ikkje dei helt store tinga, fortel politioverbetjent Terje Sperrevik.
- Ein ting vil eg likevel nytte anledninga til å oppmode om, det går på ulovleg bruk av fyrverkeri.
- I den situasjonen bygda er i håpar eg dei som har skutt opp fyrverkeri i helga kan respektera at smella frå dette kan virke skremmande nett no.
- Eg vil difor be dei akseptera det forbodet som er mot å bruke fyrverkeri, avsluttar Sperrevik som minnar om at det kun er på nyttårsaften det er lov å sende rakettar mot himmelen.