Rolegare vêr dei neste dagane

Bildeserie:

1 av 3

Etter ein fredagskveld og ei natt med frisk bris, løya vinden før full flo i 11-tida laurdag.

Det var høg flo og ein del bølgjer, men ikkje meir enn at det skvatt litt over gamlemoloen utanfor Os kai.

Det er venta meir regn framover, men vindstyrken, som har lagt på over 10 m/s fleire gongar den siste veka, skal no ned i 5-6 m/s ut helga og den komande veka.

Einaste friske pust blir måndag kveld og natt til tysdag, når den skal rett over 10 m/s igjen.

Kan koma mykje snø i fjellet

Det er meldt 4-7 gradar og regn i Os den komande veka.

Både Eikedalen, Voss og Myrkdalen skal på temperaturar frå 0-2 gradar nedst i anlegget - og nedbør kvar dag utanom måndag.

Det betyr at det kan koma mykje tung snø fram mot neste helg, og kanskje lett pudder øvst i alpinanlegga.

Det er berre å halda seg klar for pudderalarm!