Roll Karlsen og Hopland raskast opp Langedalen

Bildeserie:

1 av 15

I dag blei årets Langedalen Opp arrangert av Søfteland TIL. Det er femte gong motbakkeløpet på Søfteland samlar mosjonistar og konkurranseutøvarar i to ulike løyper, og deltakinga var endå betre enn i fjor.

– Vi hadde 130 i mosjonsklassen og 50 i konkurranseklassen, fortel Andreas Søfteland.

Rekorden på totalt 203 deltakarar er frå 2014, i 2015 var det 170 som deltok (128 + 42).

Les fleire intervju og sjå bildeserie frå mosjonsklassen.

Komplette resultatlister ligg i bildeserien over.

Her er dei raskaste i konkurranseklassen:

TOPP 11, HERRAR
1. Espen Roll Karlsen: 07,30
2. Kristoffer Vollset: 07,48
3. Lars Lunde: 07,53
4. Stian Dahle: 07,57 (raskaste frå Os)
5. Erik Spangelo Haga: 08,13
6. Josef: 08,18
7. Geir Storetvedt Skaten: 08,23
8. Joachim Sælen: 08,24
9. Erik Vaktskjold: 08,28
10. Klas Færøvik: 08,30
11. Andreas Størkson: 08,36

TOPP 3, KVINNER
1. Christina Hopland: 08,40
2. Cecilie Hagen: 10,13
3. Berit Haukeland: 11,26

Løyperekordane på 07,09 (Roll Karlsen) og 08,13 (Dvergsdal) blei ståande.

– Eg hadde mål om å slå min eigen rekord i dag, men tok ut for mykje krefter då eg kom på 2. plass i eit løp på Fitjar i går, seier Espen Roll Karlsen til Midtsiden.

Lars Lunde frå Stord, som tok 3. plass, er ny innan motbakkeløp og debutant i Langedalen.

– Eg driv med friidrett og løper 5000 meter, men dette motbakkeløpet passar friidrettsfolk bra. Starten er flat og rask og vi får òg eit midtparti som er flatt. Den siste motbakken blei tung for meg, men det var kjekt å delta og imponerande kva dei får til på Søfteland, seier Lunde.

Komplette resultatlister ligg som fil i bildeserien over.