Fotball | 29. aug. 2010

Rulla ut i rekordfart

Dugnad i Øyane er noko for seg sjølv; klokka 11 i går hadde dei grusbane, klokka 21 i dag er ny kunstgrasbane klar til bruk.

Kjetil Vasby Bruarøy
Kjetil Vasby Bruarøysøndag 29. aug. 2010 17:48

Bildeserie:

bilde
bilde
bilde
bilde
bilde
bilde
bilde
1 av 5
bilde
bilde
bilde
bilde
bilde

Laurdag rulla dei ut graset, i dag har sand og gummikuler kome på plass. Tilbakemeldingane frå leverandøren PST Sport er at dei aldri har lagt ein 7-arbane så raskt.

- Vi hadde organisert dugnaden i fleire skift. Nye skift kom, men dei som var ferdige ville ikkje gå heim, seier leiar for arbeidsgruppa, Eirik André Hesthamar.

I tillegg er det ei nevenyttig gruppe vi har hatt her, eg trur eg er den einaste kontorrotta i dugnadsgjengen,

Ferdig i kveld - i mål i morgon
Vanlegvis skal det gå 12 timar med til å dekka ein 7-arbane med kunstgras, laurdag klarte dei seg med 8,5 timar. Ein gjeng på opptil 50 sto på frå klokka 11.30 til dei var i mål klokka 20 laurdag.

- I dag starta vi klokka 8. Eitt lag med sand og to med gummikuler skal på, no har vi nesten fått på heile det siste laget med gummikuler.

5-ar og 7-armåla er ikkje komen, men skal vera på plass i morgon for montering på ettermiddagen. Tysdag ettermiddag blir den første kampen spelt, jenter 98 frå Os, med underteikna øyakrabbe som trenar, møter Øyglimt jenter 98.

Manglar 130.000 kroner
To år etter at dei første skissene til nytt uteområde ved skulen på Sundøy blei tekna står den nye 40 x 60 meter store banen klar. Den har standardmål for 7-arbane, i tillegg blir det stripa opp tre 5-arbanar.

- Vi har litt igjen på finansieringa, 670.000 av dei 800.000 kronene vi skal koma med sjølv er på plass. Men vi har nokre fleire dører å banka på, så vi kjem nok hamn, trur Hesthamar.

Etter at banen no er ferdig held arbeidet fram med å tetta igjen dei nye dreneringsgrøftene rundt skulen. I tillegg skal ny leikeplass med sandvolleyballbane stå ferdig om få veker.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.