Rusa mann fjerna frå Mobergsvika

I 18-tida tysdag fekk politiet melding om ein mann som oppførte seg på ein måte som blei oppfatta som ubehageleg.

– Han skal først ha vore ufin mot nokre jenter i Os sentrum. I Mobergsvika skal han òg ha oppsøkt ulike folk.

Mannen framsto som rusa. Han hadde òg ein veneflon i armen.

– Vi gav han pålegg om å halda seg vekke frå Os sentrum, og køyrde han til legevakt for sjekk. Han blei overtatt av helsevesenet.

Vedkomande er ein mann i 50-åra med adresse i Bergen. Han er ikkje den same som i førre veke blei framstilt for varetektsfengsling for liknande forhold.