Ruskøyring og tjuveri
Ein mann i 50-åra mistenkt for å køyre bil i rusa tilstand i Lysefjorden. Ei dame i 30-åra tatt for tjuveri på Amfi.
Omlag klokka 1140 torsdag formiddag fekk politiet melding om mistenkeleg køyring i Drangeområdet i Lysefjorden.
- Vi rykka ut med ei patrulje som påtraff den aktuelle bilen.
- Den blei stoppa og mannen i 50-åra blei fråteken førarkortet og tatt med til legevakta for blodprøve, fortel lensmann Rasmus Dalen ved Os lensmannskontor.
Politiet mistenker mannen for å ha køyrd i rusa tilstand og vil behalde førarkortet til blodprøvene er analysert.
Stal julegåver?
Torsdag kveld fekk patrulja frå lensmannskontoret melding om tjuveri frå ein butikk på Amfi Os.
- Ei dame i 30-åra blei gripen og funn av tjuvegods blei gjort på ho.
- Ho vil bli meld for tilhøva, fortel lensmannen.