Lokal | 26. apr. 2018

Russ 2018: Kort prosess i Sigurdsvikjo

Russetida starta i kveld. Prest Emir Sivac (t.h.) døypte fortare enn enkelte klarte å svelga.

Russ 2018: Kort prosess i Sigurdsvikjo
F.v.: Lars Dahle, Mathias Nystad og Emir Sivac i Sigurdsvikjo etter dåpen torsdag kveld. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 26. apr. 2018 20:13

I kveld starta russetida, i Os med dåp i Sigurdsvikjo ved Ulvenvatnet.

• Sånn blir russetida: Videointervju med russepresidentane

Russ frå Os Gymnas og Os vidaregåande skule var samla for å få kallenamnet sitt, Emir Sivac var ein av prestane.

– Enkelte var urolege for at eg skulle tøma øl på dei, men eg forklarte at det styrer dei sjølv. Dei som drikk opp fort nok får ikkje meir igjen i boksen til å tøma, fortel Emir.

Ikkje alle klarte å svelga unna, dermed blei det øl i håret.

– Og det tok dei med eit smil?

– Nei, men eg gjorde. Det skal vera litt tårer i ein dåp, seier russepresten og ler.

Nesten berre snille kallenamn

Med ei namneliste i lomma kom Emir litt seint til festen, så dåpen starta med det same.

– Nokre fekk namn dei delvis har valt sjølv, andre fekk seg ei overrasking i dag.

Sjølv fekk Emir kallenamnet «Too Old», passande nok, då han er to år eldre enn dei fleste andre etter å ha brukt to år på å ta fagbrev før han gjekk påbygg og blei blåruss.

– Dei fleste namna var snille, som ei jente i klassen min, som blei døypt «Miss Universe» og ein annan som fekk namnet «Baby Face».

– Andre fekk namn som for utanforståande høyres uskyldig ut, men som gjerne refererer til noko som ikkje er like uskyldig.

Festen flytta seg tidleg

Midtsiden var på staden litt over klokka 21, og venta å møta ei større mengde med feststemt russ.

– Det var 10-11 russebilar her, og sikkert oppunder 100 russ.

Russen hadde spleisa på eit partytelt grunna regn. Men dette var ikkje nok til å halda festen gåande.

– Etter klokka 20 byrja dei første å gå. Nokre skulle berre ut og køyra, andre skulle vidare på treff i Bergen. Her i Sigurdsvika er festen slutt.

Russen har likevel tre veker med fest i vente:

I morgon er første dag russen kan gå uniformert på skulane, neste helg er det landstreff i Kongeparken ved Stavanger og om to veker er det landstreff i Bergen.

Veka etter blir russetida runda av med fest onsdag og torsdag 16. og 17. mai, og kanskje eit stykke inn i pinsehelga.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.